នគរបាលខណ្ឌសែនសុខឃាត់ខ្លួនចោរប្លន់ម្នាក់ដែលយកកូនកាំបិតភ្ជុងប្លន់ម៉ូតូពីសិស្សសាលានៅសង្កាត់អូរបែកក្អម

នគរបាលខណ្ឌសែនសុខឃាត់ខ្លួនចោរប្លន់ម្នាក់ដែលយកកូនកាំបិតភ្ជុងប្លន់ម៉ូតូពីសិស្សសាលានៅសង្កាត់អូរបែកក្អម

កម្លាំងនគរបាលនៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ ពាក់ព័ន្ធករណីលួចមានស្ថានទម្ងន់ទោសដោយប្រើកូនកាំបិតចិតផ្លែឈើដងជ័រផ្ជុងយកម៉ូតូ) នៅចំណុចតាមផ្លូវបេតុង ភូមិអូរបែកក្អម សង្កាត់អូរបែកក្អម ខណ្ឌសែនសុខ ដោយហេតុការណ៍នេះកើតឡើងវេលាម៉ោង២២និង៣០នាទីយប់ ថ្ងៃទី២ ខែមីនា ឆ្នាំ ២០២៣ ។
សមត្ថកិច្ចបានអោយដឹងថា ជនសង្ស័យមានឈ្មោះ រិន ស៊ាវផេង(ផេង) ភេទប្រុស អាយុ ២៧ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទ្រា១ សង្កាត់ស្តឹងមានជ័យ១ ខណ្ឌមានជ័យ (មានសារធាតុញៀន) បាន ធ្វើសកម្មភាពយកកូនកាំបិតចិតផ្លែឈើដងជ័រផ្ជុងប្លន់យកម៉ូតូ ១គ្រឿង ម៉ាកស្កុបពីផលិតឆ្នាំ២០២១ ពណ៌ក្រហម ពាក់ផ្លាកលេខភ្នំពេញ1JI-2229 ពីឈ្មោះ ម៉ី គឹមម៉េង ភេទប្រុស អាយុ ១៦ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ១៣B ផ្លូវបេតុង ភូមិម័រ សង្កាត់ដង្កោ ខណ្ឌដង្កោ ។
ក្រោយបង្ក្រាបបានដកហូតម៉ូតូ ១គ្រឿង ម៉ាកស្កុបពីផលិតឆ្នាំ២០២១ ពណ៍ក្រហម ពាក់ផ្លាកលេខភ្នំពេញ1JI-2229 ពីជនសង្ស័យយកប្រគល់ទៅឲ្យជនរងគ្រោះវិញ ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់៕