បុរសកើតជំងឺស្គាន់ជ្រូកម្នាក់ប្រកាច់ធ្លាក់ទឹកស្លា.ប់បាត់បង់ជីវិត

(ខេត្តបាត់ដំបង៖) នៅថ្ងៃទី១១ ខែធ្នូ ឆ្នាំ២០២២ ដឹងនៅវេលាម៉ោង១៥និង៥៧នាទី នៅចំណុចក្រុម១៣ ភូមិនិគមក្រៅ ឃុំជ្រោយស្ដៅ ស្រុកថ្មគោល ខេត្តបាត់ដំបង មានករណីលង់ទឹកស្លាប់ចំនួន ០១នាក់ ជនរងគ្រោះឈ្មោះ អៀន អាន ភេទប្រុស អាយុ ៤៣ឆ្នាំ ទីលំនៅភូមិនិគមក្រៅ ឃុំជ្រោយស្ដៅ ស្រុកថ្មគោល ខេត្តបាត់ដំបង។ តាមការបញ្ជាក់ពីសាច់ញាតិជនរងគ្រោះបានអោយដឹងថា ជនរងគ្រោះមានជំងឺស្គាន់ជ្រូកបានប្រកាច់ធ្លាក់ចូលក្នុងប្រឡាយទឹក បណ្ដាលឱ្យលង់ទឹកស្លាប់តែម្តង។

ក្រោយពីទទួលបានពត៌មាន កម្លាំងនគរបាលផ្នែកជំនាញស្រុក សហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ អៀន អាន ពិតជាលង់ទឹកប្រឡាយស្លាប់ពិតប្រាកដមែន។

បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី៕