រន្ធ.ត់ណាស់!ឡុចស៊ីសបើកដោយក្មេងស្ទាវព្រលះម៉ូតូជិះដោយ៣នាក់ប្ដីប្រពន្ធនិងកូនង៉ាហោះផ្លោងលើស្ពានជ្រោយចង្វារ

(រាជធានីភ្នំពេញ​)៖ រថយន្តម៉ាកឡិចស៊ីស200NTពណ៌សមួយគ្រឿង បានបើកបុកម៉ូតូស្កូបពីបើកបរស្របទិសគ្នា ដែលជិះដោយប្តីប្រពន្ធពីរនាក់ ដែលមានបីកូនង៉ានៅក្នុងដៃ បណ្ដាលឱ្យកូនង៉ាហោះផ្លោង និងធ្វើឱ្យបុរសជាប្ដី និងជាឪពុករងរបួសធ្ងន់ដេកលើថ្លុកឈាម កាលពីវេលាម៉ោង៣ទៀបភ្លឺ ឈានចូលថ្ងៃទី៥ ខែធ្នូ ឆ្នាំ ២០២២ នេះ លើចំណុចស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ប្រភពព័ត៌មានបានឱ្យដឹងថា ក្រោយបើកបុកម៉ូតូជនរងគ្រោះ រថយន្តបង្កគ្មានការទទួលខុសត្រូវ មិនព្រមឈប់មើលនិងជួយគ្នាឡើយ ក៏បើកគេចចេញពីកន្លែងកើតហេតុ តែត្រូវបានប្រជាពលរដ្ឋ រួមទាំងសមត្ថកិច្ចដែលនៅគោលដៅស្ពានជ្រោយចង្វារក៏ជិះម៉ូតូ ដេញតាមរហូតកាក់ឃាត់ បាននៅចំណុចផ្លូវកែវចិន្តា ដោយឃើញរថយន្តនោះខ្ទេចផ្នែកខាងមុខចំកណ្ដាលរថយន្ត តែម្ដង ហើយឃើញអ្នកបើកបរចុះពីរថយន្ត ដើរស្ទើរតែមិនត្រង់ផ្លូវថែមទៀត។

ប្រភពព័ត៌មានពីប្រជាពលរដ្ឋបានប្រាប់ថា ក្រោយកើតហេតុ សមត្ថកិច្ចបានទំនាក់ទំនងហៅរថយន្តសង្គ្រោះបន្ទាន់ មកដឹកយកម្ដាយនិងឪពុក ដែលរងរបួស យកទៅសង្គ្រោះបន្ទាន់ ដោយព្យាយាមជួយសង្គ្រោះឲ្យអស់ពីលទ្ធភាព ។ ចំណែកទារក ដែលរងរបួស ត្រូវចំក្បាល ក៏ព្យាយាមជួយគាត់ តែពេទ្យបានប្រាប់ថា យកទៅសង្គ្រោះនៅឯមន្ទីរពេទ្យគន្ធបុប្ផាទើបបាន ដោយមិនទាន់ដឹងថា ស្ថានភាពទៅជាយ៉ាងណានោះទេ។ ចំណែករថយន្តនិងម៉ូតូ ត្រូវបានសមត្ថកិច្ចយកទៅរក្សាទុក ដើម្បីរង់ចាំធ្វើការដោះស្រាយគ្នាពេលក្រោយតាមច្បាប់បន្តទៀត៕