ក្រោយផ្ទុះរឿងរ៉ាវ!ជីឌេវីតនិងវណ្ណដាបានចូលរួមសម្ដែងនិងច្រៀងក្នុងកម្មវិធីបិទព្រឹត្តិការណ៍កីឡាជាតិ

បន្ទាប់ពីផ្ទុះមានរឿងរ៉ាវជម្លោះជាមួយគ្នាតាមរយៈបទចម្រៀងរ៉េបកាលពីពេលថ្មីៗកន្លងទៅរួចមក កំពូលតារាចម្រៀងរ៉េបលំដាប់ប្រទេសទាំង២រូប គឺលោក ងួន ចាន់ដេឌេវីត និងលោកវណ្ណដា បានចេញមុខសម្ដែង និងច្រៀងនៅក្នុងពិធីបិទ​ការប្រកួតកីឡាជាតិលើកទី៣ និងកីឡាជនពិការជាតិ​លើកទី១ ដូចគ្នា នៅថ្ងៃទី៣០ ខែវិច្ឆិកា ឆ្នាំ២០២២នេះ។

សម្រាប់លោក ជីដេវីត បានគ្រងសម្លៀកបំពាក់បុរាណ សម្ដែងអមជាមួយនឹងការសម្ដែងសិល្បៈល្ខោនខោល រីឯលោកវណ្ណដា បានសម្ដែង និងច្រៀងបទដែលល្បីខ្លាំង Time to Rise ជាមួយនឹងព្រឹទ្ធចារ្យចាប៉ីដងវែង លោកតា គង់ ណៃ ដោយទទួលបានការទះដៃគាំទ្រយ៉ាងកងរំពងពេញកីឡដ្ឋានជាតិមរតកតេជោ៕