ចាប់ខ្លួនជនសង្ស័យម្នាក់ក្នុងចំណោម២នាក់ដែលឆក់កាបូបធ្វើឱ្យក្មេងស្រីម្នាក់ត្រូវឡានកិ.នស្លា..ប់(មានវីដេអូ)

(ខេត្តកណ្ដាល)៖ កម្លាំងស្នងការដ្ឋាននគរបាលខេត្ត សហការជាមួយកម្លាំងនាយកដ្ឋានព្រហ្មទណ្ឌ កម្លាំងអធិការដ្ឋាននគរបាលស្រុកស្អាង នៅថ្ងៃទី២០ ខែវិច្ឆិកា ឆ្នាំ២០២២ បានឃាត់ខ្លួនមុខសញ្ញាដែលធ្វើសម្មភាពឆក់កាបូបម្នាក់ក្នុងចំណោម២នាក់ ដែលបានបណ្ដាលឱ្យជនរងគ្រោះដែលជាកូនស្រីរបស់ជនរងគ្រោះម្នាក់ស្លាប់បាត់បង់ជីវិតដោយរថយន្តកិន។

ជនសង្ស័យដែលត្រូវបានសមត្ថកិច្ចចាប់ខ្លួននេះមានឈ្មោះ សុខខឿន ស៊ីផាត ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិតាលន់ ឃុំតាលន់ ស្រុកស្អាង ខេត្តកណ្ដាល។ ដោយឡែកជនសង្ស័យម្នាក់ទៀតកំពុងរត់គេចខ្លួន។

បច្ចុប្បន្ន សមត្ថកិច្ចកំពុងបន្តស្រាវជាវតាមចាប់ជនសង្ស័យដែលគេចខ្លួន ដើម្បីចាត់ការតាមនីតិវិធី៕